اَللهُ أَكْبَرُ (9 ) كَبِيْرًا وَالْحَمْدُ للهِ كَثِيْرًا وَسُبْحَانَ اللهِ بُكْرَةً وَاَصِيْلاً .لَااِلَهَ إِلَّا اللهُ وَحْدَهُ صَدَقَ وَعْدَهُ وَنَصَرَ عَبْدَهُ وَأَعَزَّ جُنْدَهُ وَهَزَمَ الْأَحْزَابَ وَحْدَهُ .لَااِلَهَ إِلَّا اللهُ وَلَا نَعْبُدُ إِلَّا إِيَّاهُ مُخْلِصِيْنَ لَهُ الدِّيْنَ وَلَوْ كَرِهَ الْكَافِرُوْنَ لَا إِلَهَ إِلَّا اللهُ وَاللهُ أَكْبَرُ اللهُ أَكْبَرُ وَللهِ الْحَمْدُ.
اَلْحَمْدُ للهِ الَّذِى نَوَّرَ قُلُوْبَ الْعَارِفِيْنَ بِمُدَاوَمَةِ الذِّكْرِ فِى كُلِّ وَقْتٍ وَحِيْنٍ .أَشْهَدُ أَنْ لَا إِلَهَ إِلَّا اللهُ الْمَلِكُ الْحَقُّ الْمُبِيْنُ ,وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ الصَّادِقُ الْوَعْد الأَمِيْن. اَللّهُمَّ صَلِّ وَسَلِّمْ عَلَى سَيِّدِنَا مُحَمَّدٍ ,نُقْطَةِ الشُّرَفَاءِ الأَنْبِيَاءِ وَ الْمُرْسَلِيْنَ وَعَلَى آلِهِ وَصَحْبِهِ الأَئِمَّةِ فِى دِيْنِ الحَقِّ وَسَائِرِ الْمُهْتَدِيْنَ مِنَ الأُمَمِ الاَوَّلِيْنَ وَالأَخِرِيْنَ. أَمَّا بَعْدُ:
فَيَا إِخْوَانِ الكِرَامْ, اِتَّقُوا اللهَ فِي السِّرِّ وَاْلعَلَنِ وَاجْتَنِبُوا الفَوَاحِشَ مَاظَهَرَ مِنْهَا وَمَابَطَنَ وَاعْلَمُوا أَنَّ اْليَوْمَ عَمَلٌ وَلَا حِسَابٌ وَغَدًا حِسَابٌ وَلَا عَمَلٌ فَأَعِدُّوا لِغَدِكُمْ مَاتَرْجُونَ أَنْ تَنَالُوْا مِنْ رَبِّكُمْ. قَالَ اللهُ تَعَالَى فِي القُرْآنِ الكَرِيْم ,اَعُوْذُ بِاللهِ مِنَ الشَّيْطَانِ الرَّجِيْم , يَاأَيُّهَا الَّذِيْنَ ءَامَنُوْا اتَّقُوْا اللهَ وَلْتَنظُرْ نَفْسٌ مَّاقَدَّمَتْ لِغَدٍ وَاتَّقُوْا اللهَ إِنَّ اللهَ خَبِيرٌ بِمَا تَعْمَلُوْنَ .
Ma’asyirol Muslimim / muslimat para Aidin rohimakumullah…
Ma’asyirol Muslimim / muslimat para Aidin rohimakumullah…
Ngireng bedhen kaule tor para ajunan sadheje, e saat lagghuh samangken ka’dhinto, kaangguy sami-sami ngatoreh pojhi sarengan sokkor dhe’ajunan epon Allah SWT, se ka’dhimmahe saat samangken ka’dhintto bedhen kaule tor para ajunan sadheje salagghi’ e kasokanih sareng Allah SWT. Kaangguy araya aghi settong kamenangan se agung, yakni bedhen kaule tor para ajunan sadheje khusus epon se alaksana aghi poasah Ramadhan, ampon bisa lulus, se ka’dhimmah ampon sabhulen bhenteng abhilleih tor merrangih hawa nafso epon kaangguy pangabdhiyan edhelem ngalaksana aghi Poasa ramadhan.Sholawat sarengan salam, kaatorah dhe’ kabhulenah allah se paleng moljhe, panutan tor ghurunah manossah sa alam dhunnyah, se ampon nonton bedhen kaule tor para ajunan Sadheje dhe’ ka samporna’an odhi’ e alam dhunnyah nujjhuni dhe’ kasalametan e alam
Akhirat., yakni habibana wa nabiyyana Muhammad SAW. Kalabhen ocabhen :
اللَّهُمَّ صَلِّ عَلَى مُحَمَّدٍ، وَعَلَى آلِ مُحَمَّدٍ،
Samoghe’eh bedhen kaule tor para ajunan sadheje tetepah kengeng syafaat epon dheri dhunnyah kantos dhe’ akhirot, amien3x yaa robbal alamien.
e saat samangken ka’dhintoh, e dhelem ajhelen aghi ibhede poasa ramadhan, bedhen kaule Tor para ajunan sadheje, pareppa’nah bhede neng esuasana tor kondisi se sanget bhideh Dheri taon-taon se tapongkor, karana ponapah, e saat samangken bedhen kaule sadheje Salagghi’ ngadebbhih wabah penyakit se anyamah “corona” kabhid dheri bbulen pebruari 2020 kantos samangken masalah covid-19 ka’’dhintoh ghi’ anyamah belum tuntas.
Namong Alhamdulillah, Khusussah pulau Madhure anyamah ghi’ eparengih salamat sareng Allah SWT. Karana sanaosa bedhe tape coma sanget sakoni’ tor tak sampe’ menyebar , saenggheneh masyarakat tetep bisa beraktifitas tor jhugen tak sampe’ meresahkan.
Hdirin hadirat para jama’ah aidil Fitrih se sami muljeh…………….
Manabi emot dhe’ ka peristiwa wabah panyaket corona otabhe “ Tho’un” se jughen Caepon pernah terjadi e masanah kanjeng nabi Muhammad SAW. Hal ka’dhintoh tak terle Pas kaitannya sareng musibeh, musibeh ka’dhintoh aropa aghi sunnatullah edhelem kaodhi’en manossah, ponapa pole bagi oreng se beriman, musibe aropa aghi settong kepastian Kaangguy ngokor kadar keimanan bedhen kaule tor para ajunan sadheje. E dhelem hal Ka’dhintoh Allah SWT ampon adhebu edhelem Al-qur’an suroh Al-ankabut ayat 1-3.
الم (١)أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لا يُفْتَنُونَ (٢)وَلَقَدْ فَتَنَّا الَّذِينَ مِنْ قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ (٣)
Se arte epon : Alif lam mim, apa manussah jheriye ngirah, jhe’ saongghunah kalabhen Nguca’ “sengko’ reyah la beriman” pas manossah jheriyah e torot tak euji?” Ben saongghunah sengko’ (dhebunah Alloh) la nguji oreng-oreng sabellunah, ben Allah
Paste ngaoningih oreng-oreng se bendher, tor ngaoningih jhugen dhe’ oreng-oreng se lecek . Melalui ayat ka’dhintoh, Allah SWT negas aghi, jhe’ saonggunah ujian panika aropa aghi settong kapasteyan dheri ajunan epon allah SWT, se tojjhu’nah kaangguy ngokor ka jhujuran Kabhuleneh, ponapah ampon beriman ongghu otabe ghun coma ko ngakoh beriman.
Hadirin hadirat se sami muljeh…….
Wabah penyakit corona ka’dhintoh aropa aghi sala settongah musibe se saat samangken melanda ummat manussah e dunnyah, hal ka’dhinto manabhi e renungi , e kaji tor e sadari Bahwa ka’dhinto aropa aghi sala settongah ujian dheri allah SWT, maka InsyaAllah keimanan tor ketakwaan bedhen kaule sadheje bedhi semakin kokoh, tapeh manabi oreng se ingkar dhe’ AllahSWT, maka oreng ka’dhintoh bhekal semakin tersesat ben bhekal tak nemmoh erah edhelem kaodhi’en epon, bahkan bhekal saleng nyala’aghi saleng afitnah ben cem samacemmah.
Hadirin hadirat Jama’ah Aidil Fitri Se sami Muljeh…..!
Cara tor bentuk epon. Akdhiyah se ampon edhebuaghi e dhelem al-qur’an suroh al-Baqarah Ayat 155.
وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ ۗ وَبَشِّرِ الصَّابِرِينَ
Se arte epon : ben yektenah bhekal abherri’ coba’an sengko’ dhe’ be’na kabbhi (manossah) Kalabhen rasa tako’ kalaparan, kakorangan artah, ben jwa (Kamatean) ben we’ bhuwe’en ben abheri’eh kabher ghumbireh be’na ( Muhammad) dhe’ ka oreng-oreng se pade sabbher. Dheri ayat ka’dhintoh, cem macemmah ujian se e toron aghi sareng allah SWT. Se umum ter
Jadi dhe’ manussah bedhe 4 macem.
Se nomer 1. Ujian KHAUF ( Tako’ ) ujian ka’dhintoh paleng sering terjadi dhe’ bedhen kaule tor para ajunan sadeje, missal epon tako’ malarat, tako’ misken, tako’ kaelangan pangkat/jabatan tor laen-laen epon.
Se nomer 2. WANAKSIMMINAL AMWAL : Ujian se aropa aghi kakorangan artah otabe ujian
Kamiskenan. Se nomer 3. NAQSIMMINAL ANFUS : ( ujian maut/kematian), ujian ka’dhintoh sadhejeh
Manossah bedhi ngalami mateh. Se nomer 4. NAQSIMMINAS TSAMARAT ( engghi ka’dhintoh ujian deri Allah se aropa aghi kakorangan we’ bhuwe’en otabeh/pangan, missal epon taninah ecapo’ panyaket, hama, gagal panen se nyebab aghi kekurangan pangan alias kelaparan.
Deri sadheje ujian se kasebbhut ka’dhinto, benni ghun coma terkait kalabhen hal-hal se e Ka bheji’ih manossah, namong olle dheddhi kanikmatan se bennyakakdhiyah artah, jabatan Tor kanikmatan dhunnyah laen epon jhugen tamosok beghian dheri ujian. Hal ka’dhinto Sesuai kalabhen dhebunah AllahSWT. E dhelem Al-Qur’an suroh Attaghabun ayat 15.
إِنَّمَآ أَمْوَٰلُكُمْ وَأَوْلَٰدُكُمْ فِتْنَةٌ ۚ
Saongghunah artanah be’na ben na’ ana’nah be’na kabbhi jeriyah ghun coma ujian. Deddhi sadheje kasennengan dhunnyah ka’dhinto aropa aghi ujian , manabhi tak teppa’ E dhelem aghuna’ aghi artanah maka oreng kasebbhut maka oreng kasebbhut anyamah tak lulus edhelem ujian kasennengan artah tor jabatan epon.
Hadirin hadirat Jama’ah Aidil Fitri Se sami Muljeh…..!
Seringkali musibhe se dheteng dhe’ manossah ka’dhinto e awweli kalabhen bebagai macam Kanikmatan, ananging e sebab aghi kataledoran tor ka lalian manossah ka’dhintoh saengghenah pas aobe sikap dheri se samastenah. Dhelem hal ka’dhintoh ulama membagi musiba ka’dhinto edhelem 3 macem.
1. Musibah IBTILA’ ( engghi ka’dhinto musibah se etoron aghi Allah SWT. Dhe’ ka kabhuleneh se soleh kaangguy ningkat aghi dherejeddeh.
2. FITNAH ( Yakni Musibe se etoron aghi Allah dhe’ ka kabhulenah se lalai, se tojjhuannah Kaangguy ebhelih pole dhe’ jhelen se lerres. 3. AZAB . ( engghi ka’dhintoh musibah se etoron aghi alloh dhe’ kabhulenah se ingkar, segghut amaksiat tor dzolim.
Ayyuhal hadirun, para jama’ah aidil Fitrih Rahima kumullah…………..
Wabah penyakit se melanda saat samangken ka’dhintoh, tamasok ujian se komplit otabhe Super lengkap, aponapah sebab epon? Karana se ampon kasebbhut ghelle’ e dhelem al-qur’an suroh al-baqoroh ayat 155, bahwa, cem macemmah ujian mulai dheri e uji rassa tako’ , (reng oreng saat samangken sami—sami tako’ tor kobheter ami’ katolaran panyaket Corona ka’dhintoh) se nomer 2, e sebab aghi corona sabhegian oreng samngken e uji kalaparan karanah se biasah andhi’ pangaselan pas tak alakoh sampe’ posing se e dhe’ereh. Se nomer 3. Asabeb corona saat samangken sabhegian manossah kakorangan artah alias abhek laep, karanah nganggur, e PHK ben cem samacemmah. Teros se nomor 4, e sebab aghi corona jhugen maka pas bennyak se terjangkit akherah meninggal dunia.
Deddhi Allah SWT. Noron aghi panyaket se anyamah virus corona ka’dhintoh tamaso’ ujian Se super lengkap dhe’ manossah, se berdampak tak sae e dhelem setiap gheris kaodhi’en Kaule tor para ajunan sadheje selaku kabhule epon Allah SWT.
Dampak/Akibat buruk dheri corona ka’dhintoh samangken loar biasah, khusus epon dhe’ Ka ekonomi masyarakat, pengangguran terjadi e man ka’dimman tempat, angka kejahatan Semakin meningkat jhugen. Manabhi bedhen kaule tor para ajunan sdheje menyadari tor Ngagheli jhe’ saonggunah wabah ka’dhintoh aropa aghi ujian otabe musibe, tor dheri hal ka’dhintoh pas atambhe kaimanan tor katakwaan epon, maka ghelle’ ampon e sebbhut aghi E akhir ayah suroh Al-baqarah ayat 155, engghi ka’dhintoh وَبَشِّرِ الصَّابِرِينَ
Maksoddheh oreng se sabbher ngadepbih musibe otabhe ujian deri Allah SWT. Maka oreng ka’dhintoh bhedhi kengeng kabhunga’an e dunnyah kantos akhirat.
Hadirin hadirat Jama’ah Aidil Fitri Se sami Muljeh…..!
Keranah parloh e kageli sareng bedhen kaule tor para ajunan sadheje, jhe’ saonggunah Sabbhen-sabbhen kejadhian e bhumi ka’dhintoh bhegus se nyenneng aghi otabhe nyossa aghi tro ngaroghiyaghi, sadhejenah atas karsa epon Allah SWT. Edhelem hal ka’dhinto Allah SWT. Adhebu edhelem Al-qur’an suroh Al-Hadid ayat 2.
مَا أَصَابَ مِنْ مُصِيبَةٍ فِي الْأَرْضِ وَلَا فِي أَنْفُسِكُمْ إِلَّا فِي كِتَابٍ مِنْ قَبْلِ أَنْ نَبْرَأَهَا إِنَّ ذَلِكَ عَلَى اللَّهِ يَسِيرٌ
Se arte epon : tadhe’ settong musibe se menimpa/melanda e bhumi bhen dhe’ abhe’nah (manossah) salaenah jheriyah la e toles e dhelem kitab (Lauh mahfudz) sabhellunah sengko’ nyipta’aghi be’na kabbhi, saongghunah e dhelem parkarah areyah, sanget ghempang mongghu Allah. Deddhi sadheje ponapah se se terjadi aropa aghi musibe/ujian tor cobaan, hal ka’dhintoh
Ampon e toles tor e rencana aghi sareng Allah SWT. Sabhellunah manossah ka’dhinto e cepta aghi. Bedhen kaule sadheje selaku kabhule epon Allah se dhaif se tak andhi’ kakoatan anangeng kakoatan epon Allah, se tak andhi’ ka kobhesa’an salaenah kakobhesa’annah Allah Se tak andhik karsa anangeng karsa epeon Allah, jhugen tak ngaoningih ponapah se bhekal terjadi e masa-masa se bhekal dheteng, mila dheri ka’dhintoh, bheden kaule tor para ajunan sadheje wajib ikhtiar tor berusaha kaangguy ngamri pangaporah, hidayah tor jughen Ma’unah deri ajunan epon allah SWT. Se ka’dhimmah e saat samangken bedhen kaule sadejeh ngadhepih kbedhe’en tor suasana se cokop rumit tor rowet, angeng coma kalabhen pangaporanah Allah SWT. Se bisa malebbhar permasalahan ummat e saat samangken ka’dhintoh. Se bhekal mabhelih pole dhe’ kedamaian, kasejahteraan kaodhi’an bedhen kaule tor para ajunan sadheje.
Hadirin hadirat Muslimin/Muslimat Jama’ah Aidil Fitri Se sami Muljeh…..!
Ngireng bedhen kaule ngajhek dhe’ abhe’ dhibi’ tor para ajunan sadheje se ka’dhimmah kaangguy an dheddhiyaghi ibede poasah ramamadhan ka’dhinto, sebagai perantara / jembatan kaangguy kengeng pangaporanah AllahSWT. Karana poasa Ramadhan se ampon elastareyaghi ka’dhintoh aghendu’ pan saponappan pangajeren dhe’ bedhen kaule sadheje
Otamanah kaangguy tak lakoh alombher hawa nafso se bisa akibat aghi bhendunah Allah SWT. Edhelem hal ka’dhintoh Allah SWT ampon ajhenjih de kabhulenah se beriman, edhelem suroh Al-A’raf ayat 96. E sebhut aghi….
وَلَوْ أَنَّ أَهْلَ الْقُرَىٰ آمَنُوا وَاتَّقَوْا لَفَتَحْنَا عَلَيْهِمْ بَرَكَاتٍ مِنَ السَّمَاءِ وَالْأَرْضِ وَلَٰكِنْ كَذَّبُوا فَأَخَذْنَاهُمْ بِمَا كَانُوا يَكْسِبُونَ
Arte epon :jhe’ sakengah e dhelem settong penduduk negeri ( settong nagere ) padhe beriman ben bertaqwa dhe’ Allah SWT, yakteneh sengko’ bhekal mukka’ kabherkatan dhe’ Ka oreng-oreng se bedhe e nagereh jheriyah dheri langngi’ ben bhumi, tatapenah oreng-oreng jeriyah lecek dhe’ sengko’ (dhebunah Allah) maka sengkok noron aghi seksaan dhe’ oreng-oreng jheriyah sebab perbuatannah.
Deri ayat ghepanika ampon jelas jenjinah Allah SWT, manabi Masyarakat e settong nagereh ghenikah bennya’an se beriman ben bertaqwa, maka Allah SWT. bhekal apareng kabherkatan dheri langghi’ ben bhumih, ben sabheliggeh manabi masyarakat e settong negereh ghenika bennyak se lecek tor ingkar dhe’ ka Allah, benni kabherkatan se e bhukka’ anangeng azab tor bheleih se ekaolle, mungkin tamasok corona ghepanika sala settongah. Na’udzubillah tsumma na’udzubillah.
Hadirin/Hadirat Jama’ah Aidil Fitri se emulje aghi Allah SWT.
Se keng bingkeng,ngireng bedhen kaule sareng para ajunan sadhejeh sami-sami mabennyak anyo’on dhe’ ajunan epon allah SWT samoghe’eh ibede poasah ramadhan tor perayaan Aidil fitri taon samangken ka’dhintoh bedhi dheddiyeh tambenah kaimanan tor katakwaan dhe’ ajunan epon allah SWT tor ibede poasah bedhen kaule sadejeh ekataremah mongghu Allah saenggenah bisa deddhi panabher atas sadejeh bencana tor wabah penyakit se meresahkan akadhih saat samangken ka’dhintoh, malar mandher cepettah epalebbher /ecabhut sareng Allah SWT. Amien 3x yaa robbal alamien.
بارك الله لى ولكم فى القرآن العظيم, و نفعنى وإياكم بما فيه من الآيات و الذكر الحكيم, وتقبل مني و منكم تلاوته إنه هو السميع العليم. أقول قولى هذا و أستغفر الله لى ولكم ولسائر المسلمين من كل ذنب, فاستغفروه إنه هو الغفور الرحيم.
KHUTBAH KE – 2
الله أكبر (7) لا إله إلا الله والله أكبر ، الله أكبر ولله الحمد
الْحَمْدُ للهِ الْمُبْدِئِ الْمُعِيْدِ، الفَعَّالِ لِمَا يُرِيْدُ، مَنَّ عَلَيْنَا بِصِيَامِ رَمَضَانَ وَإِدْرَاكِ الْعِيْدِ، وَوَعَدَنَا بِالْجَنَّةِ وَالْمَزِيْدِ، وَأَشْهَدُ أنْ لَا إِلَهَ إِلَّا اللهُ وَحْدَهُ لَا شَرِيْكَ لَهُ، وَأَشْهَدُ أنَّ سَيِّدَنَا مُحَمَّدًا عَبْدُهُ وَرَسُوْلُهُ، اَللَّهُمَّ صَلِّ وَسَلِّمْ وَبَارِكْ عَلَى سَيِّدِنَا مُحَمَّدٍ وَعَلَى آلِهِ وَصَحْبِهِ أَجْمَعِيْنَ . أما بعد
فَيَا أَيُّهَا النَّاسُ اِتَّقُوا اللهَ وَأطِيْعُوهُ وَالرَّسُولَ وَأُولِي الْأَمْرِ مِنْكُمْ وَقَالَ تَعاَلَى إِنَّ اللهَ وَمَلآ ئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اللهُمَّ صَلِّ عَلَى سَيِّدِنَا مُحَمَّدٍ صَلَّى اللهُ عَلَيْهِ وَسَلِّمْ وَعَلَى آلِ سَيِّدِناَ مُحَمَّدٍ وَعَلَى اَنْبِيآئِكَ وَرُسُلِكَ وَمَلآئِكَةِ الْمُقَرَّبِيْنَ وَارْضَ اللّهُمَّ عَنِ اْلخُلَفَاءِ الرَّاشِدِيْنَ أَبِى بَكْرٍوَعُمَروَعُثْمَانَ وَعَلِيٍّ وَعَنْ بَقِيَّةِ الصَّحَابَةِ وَالتَّابِعِيْنَ وَتَابِعِي التَّابِعِيْنَ لَهُمْ بِاِحْسَانٍ اِلَى يَوْمِ الدِّيْنِ وَارْضَ عَنَّا مَعَهُمْ بِرَحْمَتِكَ يَا اَرْحَمَ الرَّاحِمِيْنَ.
للهُمَّ اغْفِرْ لِلْمُؤْمِنِيْنَ وَالْمُؤْمِنَاتِ وَالْمُسْلِمِيْنَ وَالْمُسْلِمَاتِ اَلاَحْيآءِ مِنْهُمْ وَاْلاَمْوَاتِ اللَّهُمَّ أَعِزّ اْلإِسْلاَمَ وَالْمُسْلِمِيْنَ وَأَذِلّ الشِّرْكَ وَالْمُشْرِكِيْنَ وَانْصُرْ مَنْ نَصَرَ الدِّيْنَ وَاخْذُلْ مَنْ خَذَلَ الْمُسْلِمِيْنَ وَ دَمِّرْ أَعْدَاءَ الدِّيْنِ وَاَعْلِ كَلِمَاتِكَ إِلَى يَوْمِ الدِّيْنِ.
اللَّهُمَّ إنَّا نَسْأَلُكَ الْمَغْفِرَةَ والثَّوَابَ لِمَنْ بَنَى هَذَا الْمَسْجِدَ وَلِكُلِّ مَنْ عَمِلَ فِيهِ صَالِحًا وَإِحْسَانًا، وَاغْفِرِ لِكُلِّ مَنْ بَنَى لَكَ مَسْجِدًا يُذْكَرُ فِيهِ اسْمُكَ، اللهم تقبل منا صيامنا وقيامنا ودعائنا وصالح اعمالنا يا رب العالمين .ربنا اتِنَا فِي الدُّنْيَا حَسَنَةً وَ فِي الْاَخِرَةِ حَسَنَةً وَ قِنَا عَذَابَ النَّارِ. وَالْحَمْدُ للهِ رَبِّ الْعَالَمِيْنَ
عِبَادَاللهِ , إِنَّ اللهَ يَأْمُرُنَا بِاْلعَدْلِ وَاْلإِحْسَانِ وَإِيْتآءِ ذِي اْلقُرْبىَ وَيَنْهَى عَنِ اْلفَحْشآءِ وَالْمُنْكَرِ وَاْلبَغْيِ يَعِظُكُمْ لَعَلَّكُمْ تَذَكَّرُوْنَ وَاذْكُرُوااللهَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ أَكْبَرُ
والسلام عليكم ورحمة الله وبركاته
