Khutbah Idul Fitri Bahasa Madura 2019

ASSALMU ALAIKUM WR. WB

اللهُ أَكْبَرُ «تسعا»، الله أَكْبَرُ كَبِيْرًا، وَالْحَمْدُ للهِ كَثِيْرًا، وَسُبْحَانَ اللهِِ بُكْرَةً وَأَصِيْلاً، لاَ إِلهَ إِلاَّ اللهُ، وَاللهُ أَكْبَرُ، اللهُ أَكْبَرُ وَللهِ الْحَمْدُ.

الحَمْدُللهِ حَمْدًا كَثِيرًا كَمَا أَمَرَ نَحْمَدُهُ سُبْحَانَهُ وَتَعَالَى عَلىَ الَّذِى جَعَلَ مُحَمَّدً اِمَامًا لَّنَا وَلِسَائِرِ البَشَر.  أَشْهَدُ أَنْ لاَ اِلهَ اِلاّ الله وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ المَبْعُوْثُ لِلنَّاسِ لِيَنْفِذَهُمْ مِنْ كَيْدِ الشَّيْطَانِ وَيُنَجِّيهِمْ مِنْ عَذَابِ النَّارِ. اللّهُمَّ صَلِّ وَسَلِّمْ وَبَارِكْ عَلَى مُحَمَّدٍ وَعَلىَ آلِهِ الأَطْهَارِ

وَأَصْحَابِهِ الأَخْيَارِ وَمَنْ تَبِعَهُ بِإِحْسَانٍ إِلَى يَوْمِ القِيَامَة أَمَّا بَعْدُ: أُوْصِيْكُمْ بِتَقْوَى اللهِ فَقَدْ فَازَ المُتَّقُوْنَ. قَالَ اللهُ تَعَالَى فِى القُرْآنِ الكَرِيْمِ وَهُوَ أَصْدَقُ القَائِلِيْنَ. أَعُوْذُ بِاللهِ مِنَ الشَّيْطَانِ الرَّجِيْمِ. بِسْمِ الله الرَّحْمنِ الرَّحِيْم:

يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَىٰ وَجَعَلْنَاكُمْ شُعُوبًا وَقَبَائِلَ لِتَعَارَفُوا ۚ إِنَّ أَكْرَمَكُمْ عِنْدَ اللَّهِ أَتْقَاكُمْ ۚ إِنَّ اللَّهَ عَلِيمٌ خَبِيرٌ

Para jamaâah Idul Fitri, Muslimin Sareng Muslimat se sami muljeh….

Tadek kalimat se patot tor parjuge, e areh se sanget ghumbire ka’dinto, selaenah ngumandang aghi takbir sareng tahmid, ka angguy ngator aghi pojih sarengan syokkor de’ ajunan epon Allah SWT. Atas Sadejeh nimat, pertolongan ben anugrah epon de’ bedhen kaule tor ajunan sadheje saengghena e are lagguh samangken ka’dintoh beden kauleh sadejeh salagghi’ e parengi kakoatan, kasehatan tor kasempatan kaangguy bisanah ngadirih majlis se penuh barokah ka’dintoh, mila deri ka’dintoh ampot sapatotdeh beden kaule sadeje selaku kabuleh epon, ngagung aghi, amolje aghi, tor  anyocceaghi asma epon.

Sholawat tor jhugen salam, tak cokbe bheden kaule sadejeh ngator aghi de’ junjungan nabi agung Muhammad SAW. Se ampon adeddhiyagi kaule sadeje sebagai ummat terhormat kalaben pangkat akromul umam,(Ummat se paleng muljeh) malar mandher kaule sadheje tetep eparengih kaestoan/kesetiaan kaangguy ajelenaghi, ngodi’ aghi tor madepa’ aghi syari’at tor jhugen nila-nilai se ampon e ajer aghi bedhi kengeng syafaat dari beliau   Amien ya robbal Alamin..

Jama’ah Idul Fitri Rohima Kumullah….!

Ngireng bheden kaule sadejeh senantiasa aningkat aghi ketaqwaan de’ ajunan epon Allah SWT. Kalaben sabender-benderreh taqwa (haqqo tuqotihi) ben manabi ghi’ belum mampu, maka ketaqwaan gepanika, ngireng wujud aghi semampunah beden kaule sadeje (Ma istatho’tum) kalaben tetep bedeh upaya se maksimal ngalaksana aghi ponapah sadeje parenta epon Allah SWT. Tor jhugen ajeuih sadejeh ponapa se elarang sareng Allah SWT. Ketaqwaan gepanika se bhekal deddhi hasel otabeh bue, se bheden kaule sadheje arep saamponah ngalaksana aghi ibede poasah, karena poasa ka’dintoh sanget potensial kaangguy abentuk kepribadian ben moralitas taqwa kasebut.

Imam Fahruddin Ar-razi edhelem tafsir epon “mafatih Al-ghaib” nyebut aghi bahwa puasa bisa membentuk ketaqwaan (Yuritsut Taqwa) karena edhelem poasa ka’dinto bedhe pengendalian syahwat tor nafso (Inkisarus sahwat wa inqimaul hawa) Paleng sakoni’nah kalaben ajhelen aghi poasa ka’dinto bheden kaule sadheje ekompol aghi sareng bherisan oreng-oreng se taqwa.

ketaqwaan ka’dinto jhugen se deddhi pembeda ka muljeen antara settong per settongah manossah e ajunan epon Allah SWT, benni ghun sekedar kaelmu’nah, benni urusan ka soghi’nah ben bunten jhugen masalah status sosialnya/ pangkat tor jabatennah

ان اكرمكم عندالله اتقاكم

Saongguna oreng se paleng molja munggu Allah SWT. Iye areyah oreng se paling Taqwa.

Para jama’ah Idul Fitri, Muslimin Sareng Muslimat se sami muljeh….

Gema takbir ben sadejeh kaghumbire’en se erassaagi kaule sadhejeh , e lagghuh samangken ka’dinto, aropa aghi settong tandhe karana kaule sadeje rep ngarep ampon  bisa ngusir ben mate’en penjajah se paleng koat, paleng laknat ben paleng koasa enggi ka’dinto Nafso tor Syahwatâ Nafso sareng syahwat ka’dinto se sering kali ebedhi manossa loppa ka manossaânah ben lebi ennah etembheng hewan.    Saenggenah wajar manabi Rasulullah SAW. Saamponah rabu dheri perang badar  beliau bersabda:
رجعنا من الجهاد الاصغر  الى جهاد الابرر

ampon dateng be’na kabbhi deri jihad/ perang se kene’ nujjunih de’ perang se lebbi rajah (yakni alaben nafso tor syahwat) saamponah kaule sadejeh alaksana aghi masa training/latean sa’abiddeh sabulen benteng kalaben ngalakonih aktifitas ibede e bulen ramadhan, maka beden kaule baru menyadari bahwa nyatanah kaule sadhejeh ka’dintoh aropa aghi masyarakat se gheduen potensi kaangguy deddhi oreng

religius/se bisa ajhelen agi atoran agemah.
Hal ka’dintoh ebhukteyagi, e waktonah kaule sadhejeh e salanjengah bulen seakan akan menomor satukan parenta ibede e bulen romadhon ben torkadeng tak mardhuliaghi aghi dhe’ kapentinga-kapentingan se laen se bedhi agenggu ke khusu’an ibede romadhon.
Kodhunah nilai sareng nuansa romadhon ka’dintoh tak ghu’en lastare neng nuansa training/ latean bisaos, anangeng, nilai-nilai tor nuansa romadhon ka’dintoh ateros aghi tetep odhi’edhelem parjelenan kaodi’en sa’are arenah beden kaule sadhejeh anangeng pertanyaannah, “ponapah sanggup kaule sadehjeh ajelen aghi kaodi’en saompama romadhon ka’dintoh sami akadiyeh hasel lateyan/ training e bulen romadhon, se ka’dimmah poasa romadhon ampon ngajer aghi nilai keikhlasan, kesadaran, kesetiaan, ke istiqomahan, kedisiplinan, rasa kepeduian sosial tor nilai laen-laen epon, otabe malah beden kaule sadejeh, terlanjur bangga karena ampon aromasah ngaolle rahmat ampunan, tor aromasah bebas deri apoi narakah…?
saenggenah  kauleh sadejeh olle bebas ngotoreh kaodi’en salastarenah romadhon, tor rep ngarep ben arencana bedhi aberseagi nyocce’eh pole tor asaporah pole neng bulen romadhon se bhekal dateng…? engghi manbi bedhen kaule katemu pole sareng bulen Romadhan se bekal dateng, lamun bunten …pas kadhiponapah ..???

Keberhasilan Ibadanah Puasa Settong oreng Ka’dinto Bisa eokor Antara Laen kalaben dhe tandeh, se ka’dimma oreng kasebut ampon mampu ngalaksanaaghi tor mempertahankan nilai nilai se ampon e kaolle e bektonah ngalaksana aghi ibede pasah ramadhan saengghena kaodi’en salastarenah ramadhan bisa lebbih beghus tor lebbi mapan pribadi epon, sae dheri ibadanah tor tengka lakonah ka islamnah e tampa’ aghi kalaben nabhur kedamaian tor kasalamettan de’ ka oreng laen, oca’ “islam” ka’dintoh satu akar kalaben oca’ “Salam” (Kedamaian. Kesejahteraan) tor salama (kasalametan). Oreng islam se bhegus engghi ka’dintoh oreng muslim se laen ta’ aromasah terganggu kalaben lesan tor perbuatan epon.

المسلم من سلم المسلمون من لسانه ويده

Tor jughen kaimannah oreng gepanika e wujud aghi kalaben pemberian rasa Aman mongghu oreng laen tor bisa abektah deddi pribadi se Amanah, karena “iman” ka\’dintoh settong akar kata kalaben “Aman” tor “Amanah” (bisa e parcajeh) salaen ka’dintoh jughen kaule sadejeh bisa abernaih kaodi’en ka’dintoh kalaben pengabdian de’ ajunan epon Allah SWT. Kalaben sa bagus bagusseh pengabdian tor jhugen bisa maseimbang antaranah jasmani tor rohaninah, saenggenah bisa awujud agi kesalehan spiritual ben sosial. Hal ka’dintoh se bisa mengantarkan seseorang kaangguy kengeng predikat/ gelar “abelih de’ fitroh “(gelar takwa) (la allakum tattaqun)

 Ayyuhal hadirun para jama’ah Aidil fitrih se sami-sami Emolje aghi Allah….!!
Makna Idul Fitri Saonggunah hari raya fitroh. “Id (Hari Raya) “Al-Fitru” (tak apoasa, atau kabede’en asal/asli e waktonah sesuatu e cepta aghi / asal kejadian) due’ makna ka’dintoh bisa e terap aghi e dhelem memahami idul fitrih, idul fitri aropa aghi hari raya se bisa mabelih kaodi’en kaule sadejeh de’ ka asal kejadian yakni “al-fitr” (tak berpuasa) Anangeng tetep martahan aghi nilai-nilai se ajher aghi e bulen poasa, sateros epon hari raya idul fitri ka’dinto bisa ema’naih mabelih manossah de’ asal kejadian epon, yakni berse, socceh tanpa noda, tor dhusah.
begus dusah de’ Allah otabe dhusah de’ makhluq Allah “( Ka Yaumu Waladhatu Ummhu)” Saperte bheji’ se ghi; buru e lahir agi.
Dhusah de’ Allah bekal jelas e saporah manabi kaule sadejeh memaksimalkan Ramadhan kalaben pan sanapan aktivitas ibede (siyam,qiyamul lail, tadarus qur’an, i’tikaf,tor laen-laen epon) kalaben e dasareh keimanan tor ka ikhlasan karena Allah semata, hal ka’dintoh sesuai kalaben jenjinah Allah SWT.
مَنْ قَامَ رَمَضَانَ إِيمَانًا وَاحْتِسَابًا غُفِرَ لَهُ مَا تَقَدَّمَ مِنْ ذَنْبِهِ
Sapa-Sapa Oreng se ajeneng aghi amalan e bulen romadhon, kalaben e dasar aghi iman tor ikhlas karana Allah, maka dhusa-dhusanah Se Ampon Kalebet jeriyh se Saporah anangeng dhusah Horizantal / Dhusah di manussah tor makhluq laen baik dhusah Alamiah otabeh dhusah sosial, bekal sulit esaporah kecuali kalaben ngalakonih pertaubatan de’ ka sesama makhluq.

Dusah Alamiyah missal epon, penebangan hutan liar, muang rombuh samberengan saenggenah e deddiyaghi bencana, dusa ka’dintoh tak bisa e saporah anging kalaben pertaubatan alamiyah jugen (Ajegeh kelestarian Alam, Ajege lingkungan,Keindahan, kabersean, tor laen-laen) sami jhugen kalaben dusah social, jhugen mengharuskan Pertaubatan sosial jughen, misallah kalaben saleng asaporah, minta maaf antara settong ka settongnah.

Deri ka’dinto sanget penting kaangguy memaknai bahwa Idul fitri ka’dinto aropa aghi wahana “pertaubatan” baik vertical maupun horizontal. Kalaben abelih ka Fitrah berarti kaule sadejeh berusaha kangguy selalu nabhur kabaghusan, keindahan Haqiqi, Karena fitrah manossah, ka’dinto aropa aghi makhluq “Hanif” enggi ka’dinto sifat se agendhu’ kecenderungan menilai sareng ngoladi settong hal kalaben pandangan se positif ben berusaha semaksimal mungkin coma nyare sisi postif bahkan oreng se pernah melakukan kesala’an sekalipun, saenggenah tak e rasa berre’ sanaosah sakoni’ kaangguy selalu menebar maaf kalaban penuh kerelaan tor kaikhlasan

Para aidin muslimin / muslimat rohimakumullah ,,,!
Ngireng sakodhi’ kaule sadejeh bermuhasabah/ngoreksi, atas panapah se ampon terjadi e negereh kaule sadejeh akher-akher ka’dintoh terutama terkait sarengan  kontestasi politik se ampon menyita bennya’ perhatian ,muang bennyak  tenaga tor pekkeran, bahkan tak bisa e pongkereh bahwa perhelatan ka’dintoh meng “ganggu” kekuatan tali persaudaraan tor persatuan, deri sadejenah se ampon terjadi ka’dintoh ngireng pabelih de’ kondisi se wajar, abhelih pole bersatu tor ataretan dalem ikatan tor lingkaran tali Allah.
Hadratus Syaikh Hasyim Asy’ari dalam”mukaddimah qanun asasi” Madhebu tentang penguatan tentang persaudaraan ( Ukhuwah ) sareng persatuan (Al ittihad) dalem konteks berbangsa tor bernegara, saat mangken persaudaraan tor persatuan merupakan hal se bersifat darurat (Dharuri) arte epon harus segera di lakukan tanpa berlama-lama ponapah pole sampe’e torot.
Karena pada prinsipnya kaule sadhejeh ampon paham perbeda’an ka’dintoh aropa aghi “sunnatullah” tor bahkan Allah SWT. Ngasokani tor e tettep aghi de bhideh, dalem persatuan tor bersatu dalem perbidhe’en.
Ayat Al-Qur’an menegaskan  persaudaraan dalam suroh al-Hujurat Ayat 10

إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ ۚ وَاتَّقُوا اللَّهَ لَعَلَّكُمْ تُرْحَمُونَ
Dhebu “Ikhwatun” ka’dintoh  kaangguy nudhuaghi taretan sesama mukmin, “Ikhwatun” ka’dintoh bentuk jama’ dari “Akhun” Apabila “Ikhwatun” ma’na taretan tatape e oladhi deri sisi keturunan atau darah (nasab) tatapenah kata “Ikhwan” ka’dintoh bermakna taretan deri sisi pertemanan (sodiqun), ka’dintoh penjelasan deri Syaikh Al-Razi dalam tafsir epon.
arte epon, Al-qur’an berdasarkan diksi otabeh peleyan okara se tersirat ka’dintoh bisa di pahami bahwa kaule sadejeh kodhuh memperkuat persaudaraan sesame kaum se beriman, akadhiyeh taretan se e bangun atas dasar nasab(sekandung) se akrab, semma’ tor merasa settong rassah tor settong keluarga, kakoatan tali persaudaraan tak ghun coma e angguy antar iman sabengsah setanah air, bahkan antar sadejeh manossah se sering kaule sadhejeh pahami sebagai “Ukhuwah diniyah, Ukhuwah watoniyah, sareng ukhuwah basyariah” (Sataretan saagemah, sataretan sabengsah/sanegereh, Sareng Sataretan dalem sesame manossah/Makhluq Allah SWT) tor tak kalah peting dari persaudraan ka’dintoh engghi ka’dintoh kakoatan tali ittihad (persatuan) artenah tak terpecah belah otabe bercerai berai. Akadiyah debunah Allah
وَاعْتَصِمُوا بِحَبْلِ اللَّهِ جَمِيعًا وَلَا تَفَرَّقُوا

Ma’asyirol  Muslimim / muslimat para Aidin rohimakumullah…!!
Akher epon, ampon sapatottah tor sapantesah momentum idul fitri ka’dintoh e deddhiyagi sebagai wahana pertaubatan vertical, tor horizontal.
Kasempatan kaangguy ngoreksi abhe’ dhibi’ (muhasabatun nafs) Penyucian diri (tazqiyatun nafs) sebagai barometer/ ukuran bagus/ jhube’nah hubungan dalem settong masyarakat. Momentum kaangguy memperkuat tali silaturrahmi, memperkuat persaudaraan, persatuan sareng kesetia kawanaan social (Af tamassuki ijtima’i)
Mila deri ka’dintoh kaule sadeje seharusnya bersyukur karena ampon menikmati, mengisi, serta memuliakan hari raya idul fitri ka’dintoh kalaben penuh keceria’an keikhlasan tor harapan anyar.
Malar mandher kaule sadhejeh andi’en tekad kaangguy alaben penjajah se paleng koat, paling laknat tor paleng koasah, engghi ka’dinto nafso sareng syahwat tor jhugen bisa mempertahan aghi kemanusia’an tor kamardhikaan romadhon se ampon diraih samoge’eh beden kaule sadhejeh bisa deddih khalifah se bisah sami-sami ajegheh kedamaian, keamanan, kesatuan, persatuan tor persaudaraan khusus epon e

E nagereh beden kaule sadejeh ka’dintoh tor e sadejeh penjuru dunia umum epon.

Samughe’eh para masyayikh, para ulama eparengnah kakoatan tor kasabberen kaangguy apareng pencerahan dhe’ ka ummat kalaben nuduaghi den jhelen-jhelen se sae se tak memecah belah tor mabingung ummatah, ponapah pole beghien aparatur pemerintah moghe-moghe eparengnah amanah edhelem ngemben tugas kanagere’en epon, tor tak berdiri diatas kepentingan pribadi  tor golongan, karanah manabi kepentingan pribadi ben golongannah se e bela, maka sulit kaangguy terwujud se anyamah keadilan sosial. Manabi kadhilen ampon sulit terwujud maka bisa epasteyaghi nagereh Indonesia ka’dintoh bekal rapuh/kropos keamanan epon, manabi keamanan ampon kropos maka tak burung pole alamat ancorrah settong nagereh.

Samoge’eh agemah tor nagereh kaue sadejeh Indonesia ka’dintoh ghi’ teros eparengnah perlindungan tor kajheje’en dari ajunan epon Alloh SWT, saenggenah ghu’ lagghu’ bedhih terwujud se anyamah  : Baldatun toyyibatun warobbun Ghafur,

Yakni nagereh se beghus, tentrem damai, teriring sareng pangaporanah Alloh SWT.

Amien yaa robbal alamin…..

الله أكبر (X7) لا إله إلا الله والله أكبر ، الله أكبر ولله الحمد

الْحَمْدُ للهِ الْمُبْدِئِ الْمُعِيْدِ، الفَعَّالِ لِمَا يُرِيْدُ، مَنَّ عَلَيْنَا بِصِيَامِ رَمَضَانَ وَإِدْرَاكِ الْعِيْدِ، وَوَعَدَنَا بِالْجَنَّةِ وَالْمَزِيْدِ، وَأَشْهَدُ أنْ لَا إِلَهَ إِلَّا اللهُ وَحْدَهُ لَا شَرِيْكَ لَهُ، وَأَشْهَدُ أنَّ سَيِّدَنَا مُحَمَّدًا عَبْدُهُ وَرَسُوْلُهُ، اَللَّهُمَّ صَلِّ وَسَلِّمْ وَبَارِكْ عَلَى سَيِّدِنَا مُحَمَّدٍ وَعَلَى آلِهِ وَصَحْبِهِ أَجْمَعِيْنَ . أما بعد

فَيَا أَيُّهَا النَّاسُ اِتَّقُوا اللهَ وَأطِيْعُوهُ وَالرَّسُولَ وَأُولِي الْأَمْرِ مِنْكُمْ وَقَالَ تَعاَلَى إِنَّ اللهَ وَمَلآ ئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اللهُمَّ صَلِّ عَلَى سَيِّدِنَا مُحَمَّدٍ صَلَّى اللهُ عَلَيْهِ وَسَلِّمْ وَعَلَى آلِ سَيِّدِناَ مُحَمَّدٍ وَعَلَى اَنْبِيآئِكَ وَرُسُلِكَ وَمَلآئِكَةِ الْمُقَرَّبِيْنَ وَارْضَ اللّهُمَّ عَنِ اْلخُلَفَاءِ الرَّاشِدِيْنَ أَبِى بَكْرٍوَعُمَروَعُثْمَانَ وَعَلِيٍّ وَعَنْ بَقِيَّةِ الصَّحَابَةِ وَالتَّابِعِيْنَ وَتَابِعِي التَّابِعِيْنَ لَهُمْ بِاِحْسَانٍ اِلَى يَوْمِ الدِّيْنِ وَارْضَ عَنَّا مَعَهُمْ بِرَحْمَتِكَ يَا اَرْحَمَ الرَّاحِمِيْنَ.

للهُمَّ اغْفِرْ لِلْمُؤْمِنِيْنَ وَالْمُؤْمِنَاتِ وَالْمُسْلِمِيْنَ وَالْمُسْلِمَاتِ اَلاَحْيآءِ مِنْهُمْ وَاْلاَمْوَاتِ اللَّهُمَّ أَعِزّ اْلإِسْلاَمَ وَالْمُسْلِمِيْنَ وَأَذِلّ الشِّرْكَ وَالْمُشْرِكِيْنَ وَانْصُرْ مَنْ نَصَرَ الدِّيْنَ وَاخْذُلْ مَنْ خَذَلَ الْمُسْلِمِيْنَ وَ دَمِّرْ أَعْدَاءَ الدِّيْنِ وَاَعْلِ كَلِمَاتِكَ إِلَى يَوْمِ الدِّيْنِ.

 اللَّهُمَّ إنَّا نَسْأَلُكَ الْمَغْفِرَةَ والثَّوَابَ لِمَنْ بَنَى هَذَا الْمَسْجِدَ وَلِكُلِّ مَنْ عَمِلَ فِيهِ صَالِحًا وَإِحْسَانًا، وَاغْفِرِ لِكُلِّ مَنْ بَنَى لَكَ مَسْجِدًا يُذْكَرُ فِيهِ اسْمُكَ،  اللهم تقبل منا صيامنا وقيامنا ودعائنا وصالح اعمالنا يا رب العالمين .ربنا اتِنَا فِي الدُّنْيَا حَسَنَةً وَ فِي الْاَخِرَةِ حَسَنَةً وَ قِنَا عَذَابَ النَّارِ. وَالْحَمْدُ للهِ رَبِّ الْعَالَمِيْنَ

عِبَادَاللهِ , إِنَّ اللهَ يَأْمُرُنَا بِاْلعَدْلِ وَاْلإِحْسَانِ وَإِيْتآءِ ذِي اْلقُرْبىَ وَيَنْهَى عَنِ اْلفَحْشآءِ وَالْمُنْكَرِ وَاْلبَغْيِ يَعِظُكُمْ لَعَلَّكُمْ تَذَكَّرُوْنَ وَاذْكُرُوااللهَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ أَكْبَرُ

والسلام عليكم ورحمة الله وبركاته